MovieMaker og myndvinnsla með 7.bekk

Hér er verkefni sem ég geri með 7. bekk þetta árið. Krökkunum finnst undantekningarlaust gaman að myndvinnslu. Ég nota hér myndir af mér og ég læt krakkana taka myndir af sér. Þeir sem vilja ekki mynd af sér geta t.d. tekið mynd af höndinni á sér til að nota. Stundum leyfi ég þeim að finna myndir á netinu, en oftast nota þau mynd af sér. Sum finna myndir af sér á netinu sem þau vista inn í möppuna sína til að nota.

MovieMaker virkar best ef öll skjöl sem eru í stuttmyndinni eru geymd í sömu möppu og vinnsluskjalið sjálft. Þetta er góð leið til að kenna krökkunum skjalavörslu án þess að hún verði leiðinleg.

Skrár tengdar þessari bloggfærslu:

• Myndvinnsla

Að læra á forrit

Núna er ég á námskeiði hjá Háskóla Íslands sem heitir Margmiðlun til náms og kennslu. Þarna erum við að læra á ýmis margmiðlunarforrit og mér þykir mjög áhugavert að íhuga námsferlið sem fylgir því að læra á nýtt forrit.

Til að koma manni af stað þarf maður svolitla hjálp, helst námskeið sem þarf samt ekki að vera nema örfáar klukkustundir (jafnvel bara tvær klukkustundir) rétt til að koma manni af stað. Síðan þarf maður leiðbeiningar skrifaðar á mannamáli sem maður getur nálgast á auðveldan hátt. Lykilhvatinn fyrir mig er að ég eigi síðan að skila verkefni (skýr fyrirmæli takk fyrir) á ákveðnum tíma. Þá leggst maður í grúsk og tíminn flýgur bókstaflega.

Kennum við eins og við lærum? Læra krakkarnir svona? Ég ætla að spyrja þau að því fljótlega.

Flash hreyfimynd

Þetta var ég að læra í morgun.

Skrár tengdar þessari bloggfærslu:

• Flash hreyfimynd

Gliturtexti

Gaman að leyfa krökkunum að búa til gliturtexta og setja hann inn á Skólatorgssíðuna sína. Ég nota það líka til að kenna þeim um kóða, því þau setja kóðann inn í textareitinn og fá út gliturtextann í skoðunarham.

 

Þessi gliturtexti fæst t.d. með eftirfarandi kóða (sem gliturtextasíðan býr til fyrir mann):

<embed src="http://www.familylobby.com/common/flash/funphoto/load.swf?photoid=818107" quality=high wmode=transparent width=400 height=300 name=fpc818107 AllowScriptAccess=always type="application/x-shockwave-flash" pluginspage="http://www.macromedia.com/go/getflashplayer"></embed>
<img border=0 alt="free glitter text and family website at FamilyLobby.com" src="http://www.familylobby.com/common/tt2705748fltt.gif">

Eftirfarandi slóðir liggja inn á síður þar sem er hægt að búa til gliturtexta:

http://www.familylobby.com/create-glitter-text-graphics.asp

http://www.glittertextgenerator.net/

http://www.dreamdollz.com/Glitter_Maker.html

http://www.nackvision.com/image/glitter_text/

http://www.familylobby.com/create-glitter-text-graphics.asp

 

Kennsluáætlanir á vorönn

Hér eru kennsluáætlanirnar mínar. Ég set inn fleiri eftir hendinni.

Skrár tengdar þessari bloggfærslu:

• 8. tölvur vorönn

Þrívíddarlíkan af líkama

Kennari við skólann okkar rakst á vef þar sem er hægt að skoða þrívíddarlíkan af líkamanum. Það byrjar sem beinagrind en hægt er að bæta inn hinum ýmsu líffærakerfum og vefjum og fela svo aftur. Mér sýnist þetta vera afar sniðugt, sérstaklega í tengslum við náttúrufræði.

http://www.visiblebody.com/

Það þarf að setja upp lítið forrit á tölvunni til að geta skoðað líkanið. Það er hnappur á síðunni til að hala því niður í tölvuna. Í fyrsta sinn sem maður fer inn þá býr maður til aðgangsheimildir fyrir sig. Aðgangur er ókeypis og heimildirnar er hægt að nota á fleiri en einni tölvu samtímis.

Að setja tónlist af geisladisk inn í tölvu.

Hér eru leiðbeiningar sem ég var að búa til fyrir nemendur.

Skrár tengdar þessari bloggfærslu:

• Tónlist af CD í tölvu

MovieMaker á miðstigi

Í vetur hafa krakkarnir í 5. og 6. bekk sýnt áhuga á því að læra á MovieMaker. Þá hef ég einfaldað verkefnin, notað í mesta lagi 6 myndir (ekki vídeóskeið) og kennt þeim á grunninn. Þetta er tímafrekt og þau geta sjaldnast fylgt mér eftir á skjávarpa, þannig að ég set hópinn í mismunandi verkefni til að geta eytt meiri tíma með hverjum og einum. Vanalega segi ég tveim til í einu og hvet krakkana svo til að hjálpast að. Það gengur vel eftir svolítinn tíma. Hér er verkefni sem ég gerði með 5. bekk.

Skrár tengdar þessari bloggfærslu:

• MovieMaker verkefni með 5. bekk

Windows MovieMaker

Við erum með stuttmyndaval sem er afar vinsælt. Til að venja krakkana við MovieMaker forritið byrja ég á því að láta þau setja inn myndir sem þau safna af netinu, kenni þeim að nota Transistions, Titles and credits, Video effects og að setja tónlist með í bakgrunninn. Bækurnar Movie Maker 2 á eigin spýtur voru keyptar fyrir skólann en krakkarnir nota þær afar takmarkað. Í byrjun fer ég skref fyrir skref á skjávarpanum og fæ þau svo til að hjálpast að. Þau eru afar klár að klóra sig áfram en maður er á þönum fyrstu nokkur skiptin á milli þeirra að hjálpa þeim. Annað verkefnið er að taka myndir á stafræna myndavél (þau velja sér þema til að vinna eftir, t.d. fólk, bílar, hurðir, skór o.s.frv.). Þar á eftir læt ég þau taka upp stuttasjálfskynningu á vídeóvél og kenni þeim að flytja efnið úr vídeóvél í tölvu og klippa það til. Eftir það eru þau orðin ansi sjálfbjarga og geta unnið stærri verkefni á eigin spýtur.

Microsoft Digital Image Suite Anniversary Edition Editor

Hér eru sýnishorn af myndum sem hefur verið breytt með því forriti: